काठमाडौं – अधिकांश वाणिज्य बैंकले फागुनमा पनि माघकै ब्याजदरलाई निरन्तरता दिएका छन्। वाणिज्य बैंकहरूले फागुनका लागि सार्वजनिक गरेको सूचीअनुसार २० वाणिज्य बैंकमध्ये १८ बैंकको ब्याजदर स्थिर छ। त्यसमा ग्लोबल आईएमई बैंकको ब्याजदर बढेको छ भने लक्ष्मी सनराइज बैंकको ब्याजदर घटेको छ।

फागुन महिनाका लागि व्यक्तिगत मुद्दती निक्षेपमा दिने अधिकतम औसत ब्याजदर ६.० प्रतिशत छ। जुन माघ महिनामा पनि समान थियो। ग्लोबल आईएमई बैंकले फागुन महिनाका लागि व्यक्तिगत मुद्दती निक्षेपमा ६ प्रतिशत ब्याजदर तोकेको छ। जुन माघ महिनामा ५.७५ रहेको थियो। यस्तै लक्ष्मी सनराइजको व्यक्तिगत मुद्दती निक्षेपको ब्याजदर माघ महिनामा ५.७५ प्रतिशत रहेकोमा फागुनमा ५.५ प्रतिशत बनाएको छ।

फागुनमा सबैभन्दा धेरै एनआइसी एसियाले व्यक्तिगततर्फ ६.६ प्रतिशत र संस्थापकतर्फ ५.६ प्रतिशत ब्याजदर तोकेको छ। जुन माघ महिनाकै सरह हो। बैंक वित्तीय संस्थाहरूको निक्षेप तथा कर्जाको ब्याजदर न्यूनतम बिन्दुमा आएको भन्दै धेरै बैंकहरूले ब्याजदरलाई स्थिर बनाएका हुन्।

राष्ट्र बैंकले ब्याजदर कोरिडोरको तल्लो सीमा निक्षेप संकलन दर ३ प्रतिशत कायम गरेर बैंकहरूको निक्षेप खरिद गरिरहेकाले पनि निक्षेपको ब्याजदर स्थिर बन्दै गएको हो।

कुन बैंकको ब्याजदर कति ?

0Like

0Love

0Haha

0Shocked

0Sad

0Angry