काठमाडौं । विगतका आर्थिक वर्षको नाफाबाट लघुवित्त कम्पनीहरुले धमाधम लाभांश घोषणा गर्न थालेका छन् । दोस्रो बजारमा हालसम्म कुल ५८ लघुवित्त कम्पनी सूचीकृत रहेकोमा ३३ कम्पनीले यो आर्थिक वर्ष लाभांश घोषणा गरिसकेका छन् ।

अन्य समूहका कम्पनीहरुको तुलनामा लघुवित्तहरुको लाभांश उल्लेख्य पाइएको छ । लघुवित्त कम्पनीले ७६ प्रतिशतसम्म लाभांश घोषणा गरेका छन् । जल्पा सामुदायिक लघुवित्तले सबैभन्दा धेरै ७३ प्रतिशत सेयर बोनस र ३.८ प्रतिशत नगदसहित कुल ७६.८ प्रतिशत लाभांश घोषणा गरेको हो ।

त्यस्तै उपकार लघुवित्तले ६१.७५ प्रतिशत बोनस र ३.२५ प्रतिशत नगद गरी कुल ६५ प्रतिशत लाभांश घोषणा गरेको छ । महिला लघुवित्तले ४७.५ प्रतिशत बोनस र २.५ प्रतिशत नगद गरी ५० प्रतिशत लाभांश घोषणा गरेको छ । यी तीनै कम्पनीको बुक क्लोज भइसकेको छैन । अर्थात् हाल सेयर किन्नेले पनि यी कम्पनीको लाभांश पाउने छन् ।

लाभांश घोषणा गरेकामध्ये ९ कम्पनीको बुक क्लोज भइसेकेको छ । यी ९ कम्पनीको सेयर खरिद गर्नेले यो वर्ष लाभांश पाउने छैनन् । नेरुडे लघुवित्तले मंगलबारका लागि बुक क्लोजको मिति तय गरेको छ । अधिकांश लघुवित्त कम्पनीहरुले लाभांशमा सेयर बोनसलाई प्राथमिकता दिएका छन् । सेयर बोनस दिँदा कम्पनीको चुक्ता पुँजी समेत वृद्धि हुन्छ ।

कुन कम्पनीले कति घोषणा गरे लाभांश ?

0Like

0Love

0Haha

0Shocked

0Sad

0Angry