युनियन लाइफ इन्स्योरेन्स कम्पनीको नेपालगन्ज शाखाले मृतकको परिवारलाई ५४ लाख २० हजार रुपैंया मृत्यु दाबी भुक्तानी गरेको छ । कम्पनीले नेपालगन्ज उप–महानगरपालिका, १० निवासी, बीमित स्व. सन्जु चौधरीको परिवारलाई उक्त रकम हस्तान्तरण गरेको हो ।
युनियन लाईफ इन्स्योरेन्समा गरेको ५० लाखको बार्षिक अग्रिम भुक्तानी जीवन बिमा बापतको दाबि भुक्तानी मृतक चौधरीकै घरमा पुगेर उनकी आमा सुन्दरमोती थारुलाई प्रदान गरेको हो। युनियन लाईफ प्रदेश कार्यालयका प्रमुख भोज कुमार कुँवर, वरिष्ठ अभिकर्ता माधवराज अधिकारी नेपालगन्ज शाखाका प्रमुख उत्तम ढकाल,माया कोइराला, टंक नाथ पौडेल लगाएतको सहभगितामा मृतक चौधरीकी आमालाई उक्त रकम बराबरको चेक हस्तान्तरण गरेका हुन् ।
१३ औं दक्षिण एसियाली खेलकुद (साग) मा भारत्तोलन अन्तर्गत नेपालका लागी स्वर्ण पदक बिजेता भैसकेकी, २३ वर्षकि चौधरीको २०७९ वैशाख २७ गते ललितपुर जिल्ला महालक्ष्मी नगरपालिका, ८ लुभुस्थित संजिवन महर्जनको घरमा निधन भएको थियो ।
यो खबर पढेर तपाईलाई कस्तो महसुस भयो ?
