विराटनगर । नेपालभर इन्टरनेट सेवा विस्तार गरिरहेको डिसहोम फाइबर नेटले विराटनगरको तिनपैनीमा पनि सहवितरण सोरुम सञ्चालनमा ल्याएको छ । डिसहोम फाइबर नेट बिक्री तथा बिक्रीपछिको सेवा प्रदान गर्न सुरु गरिएको उक्त सोरुमको सञ्चालन ग्लोबल पावर पोइन्टले गर्ने भएको छ ।
सोरुम उद्घाटन कार्यक्रममा डिसहोमका पूर्वी क्षेत्रीय सेल्स म्यानेजर विपिन्द्र न्यौपाने र सेल्स अफिसर शिव निरौलाको उपस्थिति रहेको थियो भने डिलरतर्फबाट अमिताभ महेश्वरीलगायत विराटनगर महानगरपालिकाका डिलर दाइहरूको उपस्थिति रहेको कम्पनीले जनाएको छ ।
दुई हजारभन्दा धेरै ग्राहकलाई डिसहोम फाइबर नेटको सेवा उपलब्ध गराइसकेको ग्लोबल पावर पोइन्टले अब अझ बढी ग्राहकमाझ पुग्न पनि नयाँ सोरुमबाट सहयोग पुग्ने ग्लोबल पावर पोइन्टका सञ्चालक सुवास रिजालले बताउनुभयो ।
यो खबर पढेर तपाईलाई कस्तो महसुस भयो ?
