काठमाडौं । निर्माण क्षेत्रको अग्रणी कम्पनी सिई कन्स्ट्रक्सनले स्थापनाको ३१औं वर्ष प्रवेश गरेको छ । कम्पनीले शनिबार ३०औं वार्षिकोत्सव मनाएको छ ।
वार्षिकोत्सवको अवसरमा कम्पनीका अध्यक्ष तथा प्रवन्ध निर्देशक विजय राजभण्डारीले सीई परिवार, साझेदारहरू, प्रत्यक्ष र अप्रत्यक्ष रूपमा सम्बन्धित सरोकारवालाहरू, ग्राहकहरू र शुभचिन्तकहरू लगायत सम्पूर्णमा आभार तथा कृज्ञतज्ञा ज्ञापन गरेका छन् । वार्षिकोत्सवको अवसरमा कम्पनीले विविध कार्यक्रम गरेको छ ।
सिई कन्स्ट्रक्सन नेपालको प्रशिद्ध निर्माण कम्पनी हो । कम्पनीले ‘टाइम’, ‘कस्ट’ र ‘क्वालिटी’मा विशेष ध्यान दिने गरेको अध्यक्ष राजभण्डारीले बताउँछन् । ‘हामीले समय, क्वालिटी, प्रोजेक्ट म्यानेजमेन्टलाई विशेष ध्यान दिन्छौं,’ उनले भने, ‘पैसा तिरेपछि त्यही अनुसारको प्रोडक्टको आशा राख्नु स्वभाविक नै हो । प्रोजेक्टका लगानीकर्ताको आशा र चाहना अनुसार हामीले गुणस्तरीय काम समयमा नै सम्पन्न गर्ने गरेका छौं ।
काठमाडौं सहित देशका मुख्य शहरमा रियलस्टेटमा काम गर्ने अग्रणी कम्पनीमा सिई कन्स्ट्रक्सन पर्छ । कम्पनीले अहिले देशभर विभिन्न क्षेत्रमा दर्जनौं ठूला प्रोजेक्टमा काम गरिरहेको छ ।
कम्पनीले स्थापनाको ३० वर्षसम्ममा सयौं प्रोजेक्ट सम्पन्न गरिसकेको छ । जोइन्ट भेन्चर ३० भन्दा बढी छन् । सिइ आइएसओ सर्टिफाइड कम्पनी हो ।
यो खबर पढेर तपाईलाई कस्तो महसुस भयो ?
